Atyraýda kólikke soǵylǵan mopedtiń júrgizýshisi oqıǵa ornynda mert boldy

<p>ATYRAÝ. KAZINFORM &ndash; Atyraýda moped pen kólik soqtyǵysty. Jol apatynyń saldarynan mopedtiń júrgizýshisi oqıǵa ornynda mert boldy.</p>

Atyraý oblystyq polıtsııa departamentiniń baspasóz qyzmetiniń málimetinshe, jol-kólik oqıǵasy 22 maýsymda saǵat 23:17 shamasynda bolǵan. 

«Atyraý qalasynyń mańyndaǵy Vodnık shaǵyn aýdanynda ornalasqan mınımarkettiń tusynda markasy Kia Sportage avtokóligi men moped soqtyǵysty. Jol-kólik oqıǵasynyń saldarynan mopedtiń júrgizýshisi oqıǵa ornynda qaza tapty. Kóz jumǵan marqumnyń jasy – 20-da», -dep habarlady departamenttiń baspasóz qyzmeti. 

Polıtsııa qyzmetkerleri atalǵan jol-kólik oqıǵasyna qatysty tıisti is qujattaryn jınaqtap jatyr.

Eske sala ketelik, buǵan deıin Atyraýda jyl basynan beri moped júrgizýshileriniń kinásinen 17 jol oqıǵasy bolǵanyn jazǵan edik. 

Sondaı-aq, Qulsary qalasynda mopedpen kólikke soǵylǵan 15 jasar jetkinshektiń anasy aıyppul tólegenin habarlaǵan bolatynbyz.