Atyraýda kólik qaqqan 6 jasar jasóspirimge ota jasaldy

<p>Atyraýda 30 jastaǵy áıel men 6 jasar qyzdy kólik qaǵyp ketti. Zardap shekken qyzǵa ota jasaldy, dep habarlaıdy <a href="Kazinform." target="_blank" rel="noopener">Kazinform.</a></p>

Oblystyq polıtsııa departamentiniń baspasóz qyzmeti rastaǵan aqparatqa qaraǵanda, 7 qarashada keshki saǵat 18:00 shamasynda Volkswagen Caddy avtokóligi eki adamdy qaǵyp ketken. Sondaı-aq eki kólikke materıaldyq shyǵyn kelgen. 

– Atyraý qalasyndaǵy Z.Qabdolov kóshesinde jaıaý júrginshige arnalmaǵan jolaqtan ótip bara jatqan áıel men jasóspirimdi kólik qaǵyp qulatqan. Jol-kólik oqıǵasynan 30 jastaǵy áıel men 2017 jylǵy qyz zardap shekti. Oqıǵa ornyna jetken jedel-járdem brıgadasy zardap shekkenderdi oblystyq aýrýhanaǵa jetkizdi, - dep habarlady departamenttiń baspasóz qyzmeti. 

Oblystyq balalar aýrýhanasyna túsken 6 jasar qyzdyń tobyǵyna ota jasalǵan. Qazir ol dárigerlerdiń baqylaýymen em-dom alyp jatyr. 

Keshe, 7 qarashada taǵy bir jol-kólik oqıǵasy tirkeldi. Jergilikti ýaqytpen saǵat 22:00 shamasynda Atyraýdaǵy M.Ótemisuly jáne S.Datov kósheleriniń qıylysynda moped pen Lada Granta kóligi soqtyǵysqan. Aýyr jaraqat alǵan moped júrgizýshisi jedel-járdem kóligimen oblystyq aýrýhanaǵa jetkizildi. 

Polıtsııa qyzmetkerleri eki jol-kólik oqıǵasyna baılanysty tekserýdi bastap ketti. 

Eske sala ketelik, buǵan deıin Atyraýda 32 jastaǵy júrgizýshi 3 adamdy qaǵyp ketkenin habarlaǵan edik.