Atyraýda qoqysta kartop pen pııaz úıilip jatyr

<p>Atyraýdaǵy qoqys alańyna kartop pen pııazdy laqtyryp tastaǵan, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Bul týraly Іnstagram áleýmettik jelisindegi egovpress paraqshasynda vıdeo tarady. Vıdeoda qoqysta úıilip jatqan kartop pen pııaz túsirilgen.

«Atyraýda az qamtylǵandarǵa berýdiń ornyna birneshe tonna kartop pen pııazdy qalalyq qoqys úıindisine laqtyrdy. Halyq aqshasy jelge ketti. Jergilikti turǵyndar bul úshin áleýmettik-kásipkerlik korporatsııasyn kinálaıdy», - dep jazba qaldyrǵan vıdeo avtory.

«Atyraý» áleýmettik-kásipkerlik korporatsııasy» AQ azyq-túlik departamentiniń dırektory Qaısar Qurmanálıevtiń aıtýynsha, turaqtandyrý qoryna 5136 tonna aýyl sharýashylyǵy taýary bar.

«Turaqtandyrý qoryndaǵy bul taýarlar tutynýshy suranysyn 2024 jyldyń sáýir aıyna deıin qamtamasyz etýge jetedi. Al «Agrofelıks» sharýa qojalyǵy 8 myń tonnaǵa jýyq aýyl sharýashylyǵy taýarlaryn qoımaǵa jetkizdi. Taýarlardy irikteý kezinde tabıǵı búlingen bóligi anyqtaldy. Osyǵan baılanysty búlingen taýarlar qalalyq qoqys úıindisine shyǵaryldy. Óıtkeni vıdeoǵa túsirilgen kókónister jeýge jaramaıdy. Bul taýar «AgroFelıks» sharýa qojalyǵyna tıesili. Turaqtandyrý qorynyń taýaryna jatpaıdy», - dep málim etti Qaısar Qurmanálıev.

Onyń deregine súıensek, turaqtandyrý qoryndaǵy aýyl sharýashylyǵy taýarlary, atap aıtqanda, kartop, pııaz, sábiz jáne qyryqqabat Atyraý qalasyndaǵy 3 bazarda, 3 saýda pavılonynda, sondaı-aq, 32 sýpermarkette satylyp jatyr.

Eske sala ketelik, buǵan deıin Atyraýda áleýmettik mańyzy bar azyq-túlik baǵasyna baılanysty arnaıy jıyn ótkenin habarlaǵan bolatynbyz.