Atyraýda qylmystyq top kásipkerlerden 10 mln teńge bopsalaǵan

<p>Atyraýda kásipkerlerden 2,6 mln teńge alý kezinde qylmystyq top ustaldy. Kúdiktilerdiń destrýktıvti dinı aǵym ókilderi ekeni anyqtaldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Atyraý oblystyq Polıtsııa departamentiniń baspasóz qyzmetinen málim etkendeı, kúdik 6 jeltoqsanda ustaldy.

«Ekstremızmge qarsy is-qımyl basqarmasynyń qyzmetkerleri jeke kásipkerlerden 10 mln teńge bopsalaǵan qylmystyq toptyń zańsyz áreketin áshkereledi. Polıtseıler jábirlenýshilerden 2 mln 600 myń teńge alý úshin kezdesý uıymdastyrǵan qylmystyq toptyń 4 múshesin ustady. Destrýktıvti dinı aǵym ókilderinen quralǵan top naýryz aıynan beri jábirlenýshilerdi bopsalap, árqaısysynan 5 mln teńgege jýyq qarjy ıemdenbek bolǵan», – dep habarlady vedomstvodan.

Qazir kúdiktilerdiń basqa qylmystarǵa qatysy bar-joǵy tekserilip jatyr. Olarǵa qatysty QR Qylmystyq kodeksiniń 194-babynyń 3-bóligi 2-tarmaǵymen sotqa deıingi tergeý amaldary bastaldy. Ózge aqparat QR Qylmystyq-protsestik kodeksiniń 201-babyna sáıkes jarııalanbady.