Atyraýda qaıyrymdylyq mekemesi jasóspirimderge dinı arazdyqty nasıhattaǵan
Atyraý oblystyq prokýratýrasynyń málimetinshe, ekstremıstik qujattardyń taratylýynyń aldyn alý men balalardyń quqyqtaryn qorǵaý basty nazarǵa alynyp otyr.
– Atyraý qalalyq prokýratýrasy qaıyrymdylyq uıymdarynyń biri arqyly dinı arazdyqty nasıhattaıtyn ádebıettiń taratylýyn toqtatty. Sarapshylardyń qorytyndysyna sáıkes, kámeletke tolmaǵandar arasynda taratylǵan materıaldar Qazaqstan Respýblıkasynyń aýmaǵynda paıdalanýǵa tyıym salynǵan. Atyraý qalasynyń ákimshilik quqyq buzýshylyqtar jónindegi mamandandyrylǵan sotynyń sheshimimen qaıyrymdylyq mekemesi QR Ákimshilik quqyq buzýshylyq týraly kodesiniń 453-babynyń 4-bóligi boıynsha kináli dep tanyldy. Oǵan 516 myń 880 teńge kóleminde ákimshilik aıyppul salyndy, - dep habarlady oblystyq prokýratýradan.
Sondaı-aq qaıyrymdylyq mekemesi tıisti ruqsat qujattarsyz balalardy dinı baǵyttarda oqytqan. Osylaısha, pansıonat retinde qyzmet atqarǵan.
– Osyǵan baılanysty Atyraý qalalyq prokýratýrasy sotqa talap aryz berdi. Sonyń negizinde 4 mekemeni memlekettik tirkeýdiń kúshi joıyldy. Barlyq pansıonat taratyldy, - dep málim etti oblystyq prokýratýradan.
Eske sala ketelik, buǵan deıin Atyraý oblysynyń jasóspirimderi 1 jylda 67 qylmys jasaǵanyn jazǵan edik.