Atyraýda qatty jel turǵyn úıler men ǵımarattardyń shatyryn ushyrdy

<p>Atyraýda qatty jeldiń saldarynan birneshe turǵyn úı men ǵımarattyń shatyry ushty. Kóshedegi terekter, keıbir turǵyn úılerdiń kireberisindegi qúnqaǵary qulady, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Atyraý oblystyq Tótenshe jaǵdaılar departamentiniń qoǵammen baılanys tobynan málim etkendeı, jergilikti ýaqytpen saǵat 17:00-ge deıin jeldiń ekpini kúsheıip, sekýndyna 23-28 metrge jetken. 

Foto: Atyraý oblystyq TJD

«Qatty jeldiń saldarynan kópqabatty turǵyn úıler men ǵımarattardyń shatyry búlindi. Atyraý qalasyndaǵy Mahambet, M.Áýzov, N.Ońdasynov, Q.Ahmedııarov, A.Baıjigitova kóshelerindegi 118 «g», 109, 58, 19, 61, Azattyq dańǵylynyń 133 «b», 67 jáne «Nursaıa» shaǵyn aýdanyndaǵy 1 mekenjaıyndaǵy turǵyn úıler men ózge nysandardyń shatyry ushty. Keıbir úılerdiń balkony men kireberistegi kúnqaǵary, kóshedegi terekter qulady. Bul turǵyndardyń ómirine tikeleı qaýip tóndirdi. Sol sebepten qutqarýshylar kúsheıtilgen jumys rejımine kóshirilip, shuǵyl túrde avarııalyq-qutqarý jumystaryn júrgizýge kiristi. Oqıǵa ornynda jedel-qutqarý jasaǵynyń qutqarýshylary alpınıstik jabdyqtar men avarııalyq-qutqarý quraldarynyń kómegimen búlingen konstrýktsııanyń avarııalyq fragmentterin bekitti. Búlingen bólshekterdi alyp tastap, joldardy qulaǵan shatyr konstrýktsııalarynan tazartty», - dep habarlady departamenttiń qoǵammen baılanys toby.

Departamenttiń dıspetcherlik pýltine qońyraý kóp túsken. Tabıǵat qubylysynan eshkim zardap shekpegen.

Eske sala ketelik, buǵan deıin Atyraýda jeke turǵyn úı órtenip, 81 jastaǵy qarııany kúıik shalǵanyn jazǵan edik.