Atyraýda kásiporyn jaǵymsyz ıis úshin 1 mln teńgege jýyq aıyppul tóleıdi
Atyraý oblystyq ekologııa departamentine 22 mamyrda jergilikti turǵyn shaǵym túsirgen. Onyń shaǵymynda 6 jáne 19 mamyrda jaǵymsyz ıis shyqqany aıtylǵan.
«Bizdiń departamentke júgingen jergilikti azamat A.Q. Atyraý qalasyndaǵy „Samal“ shaǵyn aýdany men Saryózek aýylynda jaǵymsyz ıis baıqalǵanyn aıtyp shaǵymdandy. Jaǵymsyz ıis Arnaıy halyqqa qyzmet kórsetý ortalyǵy aımaǵynda ornalasqan „Atakım“ JShS-niń medıtsınalyq qaldyqtardy joıý peshinen shyqqan. Osyǵan oraı departament mamandary atalǵan seriktestiktiń qyzmetine jospardan tys tekserý júrgizdi. Tekserý kezinde ekologııalyq zań buzýshylyqtar anyqtaldy. Soǵan baılanysty seriktestikke ákimshilik quqyq buzýshylyq týraly hattama toltyrylyp, 923 myń teńge ákimshilik aıyppul salyndy», -dep habarlady departamenttiń baspasóz qyzmeti.
Sondaı-aq, departament basshylyǵy Atyraý oblysynyń mamandandyrylǵan ekonomıkalyq aýdanaralyq sotyna «Atakım» JShS-niń qyzmetin toqtata turý týraly talap-aryz joldady.
Eske sala ketelik, budan buryn Atyraýda aýany lastaıtyn qaldyqtardyń basym bóligi 4 kompanııanyń úlesine tıesili ekenin jazǵan bolatynbyz.
Sondaı-aq, Atyraý oblysynda qoqys polıgonyn joımaǵan 30 ákimge aıyppul salynǵan edi.