Atyraýda qarjy pıramıdasyn qurǵan eki adam 6 jylǵa sottaldy

<p>Atyraý qalasynyń eki turǵyny &laquo;QazHome&raquo; tutyný kooperatıviniń atymen qarjy pıramıdasyn qurǵan. Sot úkimimen ekeýi de 6 jyl merzimge bas bostandyǵynan aıyryldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Qarjylyq monıtorıng agenttiginiń resmı ókili Álibek Ábdilovtiń aıtýynsha, Atyraý oblystyq ekonomıkalyq tergep-tekserý departamentiniń qyzmetkerleri qarjy pıramıdasynyń zańsyz áreketin áshkerelegen.

«Qarjy pıramıdasyn uıymdastyrýshylar azamattarǵa jyljymaıtyn múlik beremiz degen jeleýmen aqsha salýdy usynǵan. Sotqa deıingi tergep-tekserý kezinde tutyný kooperatıviniń qyzmetine 300-ge jýyq salymshy tartylǵany anyqtaldy. Onyń ishinde tek 35 adam shaǵym túsirdi. Bul shaǵym ıelerine keltirilgen shyǵyn kólemi 49 mln teńgeden asty», - dep habarlady Álibek Ábdilov.

Sot úkimimen «QazHome» tutyný kooperatıviniń basshylary kináli dep tanyldy. Sottalýshylardyń árqaısysyna 6 jylǵa bas bostandyǵynan aıyrý jazasy taǵaıyndaldy.

«Qarajatty ınvestıtsııalaý kezinde kompanııanyń senimdiligin tekserý qajet. Osy maqsatta «Baiqa, piramida!» telegram boty jumys isteıdi. Sonymen qatar Qarjylyq monıtorıng agenttiniń saıtynda qarjy pıramıdalarynyń tizimi jarııalandy», - dep málim etti Álibek Ábdilov.

Eske sala ketelik, buǵan deıin Atyraýda zańsyz oıyn bıznesin uıymdastyrǵan áıeldiń bas bostandyǵy shektelgenin habarlaǵan edik.