Atyraýda qaraqurt shaqqan 13 adam aýrýhanaǵa túsken
Atyraý oblystyq Densaýlyq saqtaý basqarmasynyń baspasóz qyzmetinen málim etkendeı, oblystyq aýrýhanaǵa túsken 13 adamdy qaraqurt shaqqany anyqtalǵan.
«Naýqastardyń 4-eýi aýrýhananyń jansaqtaý bólimine jatqyzylyp, tolyqtaı em-dom sharasyn aldy. Al, 9 adamǵa qaraqurtqa qarsy ekpe salynyp, ambýlatorııalyq em alýǵa jiberildi. Oblystyq balalar aýrýhanasyna 3 bala tústi. Onyń ishinde 2 bala jansaqtaý bólimine jatqyzylyp, dárigerlerdiń baqylaýynda boldy», - dep habarlady basqarmanyń baspasóz qyzmeti.
Qazir balalar úıine shyǵaryldy. Bir balaǵa qaraqurtqa qarsy ekpe salynǵan.
«Aýdan ortalyqtarynda qaraqurt shaqqan úsh jaǵdaı tirkeldi. Onyń bireýi Inder, ekinshisi Isataı, al, úshinshi derek Qyzylqoǵa aýdanynda tirkeldi. Dárigerlerge júgingen patsıentterge alǵashqy ambýlatorııalyq kórsetildi», - dep málim etti basqarmanyń baspasóz qyzmetinen.
Eske sala ketelik, budan buryn qaraqurt shaqqan atyraýlyq azamatqa kórshi el aýrýhanasynda kómek kórsetilgenin habarlaǵan edik.