Atyraýda feldsherdi urǵan kúdiktige qatysty qylmystyq is qozǵaldy

<p>ATYRAÝ. KAZINFORM &ndash; Atyraýda jedel járdem feldsherin urǵan kúdikti ustaldy. Qazir kúdiktige qatysty qylmystyq is qozǵaldy.&nbsp;</p>

Atyraý oblystyq polıtsııa departamentiniń baspasóz qyzmetinen málim etkendeı, oqıǵa 1 mamyrda bolǵan. 

«Atyraý qalasynda túngi saǵat 3:40 shamasynda jedel járdem qyzmetiniń feldsherin uryp-soqqan kúdikti anyqtalyp, ustaldy. Kúdiktiniń jasy – 20-da. Narkologııalyq tekserýdiń qorytyndysymen kúdiktiniń jeńil dárejede mas ekeni anyqtaldy. Ustalǵan kúdiktige qatysty qylmystyq is qozǵaldy», - dep habarlady departamenttiń baspasóz qyzmeti. 

Polıtsııa qyzmetkerleri kúdiktini qamaýǵa aldy. Qazir sot-medıtsınalyq saraptamasy taǵaıyndaldy.

Kúdiktiniń feldsherdi urýyna ne sebep bolǵany ázirge belgisiz. Bul qylmystyq isti tergeý barysynda anyqtalady. 

Eske sala ketelik, budan buryn Atyraýda sheteldikten aqsha bopsalaǵan kúdiktiler arasynda jasóspirimder bar ekenin jazǵan edik.