Atyraýda esirtki jasyryp, satýmen aınalysqan eki kúdikti ustaldy

<p>Atyraýda esirtkini jasyryp, satýmen aınalysqan eki kúdikti ustaldy. Kúdiktiniń biri &mdash; 18 jastaǵy jigit qamaýǵa alyndy. Al, ekinshi kúdikti &mdash; 17 jasta, dep habarlaıdy Kazinform.&nbsp;</p>

Oblystyq polıtsııa departamentiniń baspasóz qyzmeti usynǵan aqparatqa súıensek, kúdiktiler jedel izdestirý is-sharasy kezinde ustalǵan.

«Kúdiktiler Atyraý qalasynyń aýmaǵynda sıntetıkalyq esirtkini jasyrý ádisi arqyly saqtaǵan. Olardyń biri 2005, ekinshisi 2006 jyly týǵan. Tekserý kezinde 18 jastaǵy jigitten 1 dana aq tústi untaq tárizdes zat jáne 5 dana qara ızolentke oralǵan erekshe ıisi bar jasyl tústi ósimdik salynǵan zıp-paketter tárkilendi. Saraptama qorytyndysymen alynǵan zattardyń 2,84 gramm sıntetıkalyq esirtki jáne 3,28 gramm marıhýana ekeni anyqtaldy. Osy kezge deıin kúdiktiler qala aýmaǵyndaǵy 23 jasyryn núktege satý maqsatynda tyqqan esirtkileri tabyldy», — dep málim etti departamenttiń baspasóz qyzmetinen.

Polıtsııa qyzmetkerleri atalǵan derekpen kúdiktilerge qatysty QR Qylmystyq kodekstiń 297-babynyń 3-bóligimen sotqa deıingi tergep-tekserýdi bastady. Kúdiktiniń biri — 2005 jylǵy jigit QR Qylmystyq-protsestik kodeksiniń 128-babyna sáıkes qamaýǵa alyndy.

Ózge aqparat QR Qyllmystyq-protsestik kodeksiniń 201-babyna sáıkes jarııalaýǵa jatpaıdy.

Eske sala ketelik, buǵan deıin Atyraý oblysynda aýlasyna marıhýana ósirgen turǵyn ustalǵanyn habarlaǵan bolatynbyz.