Atyraýda esirtki taratýmen aınalysqan eki kúdikti qylmys ústinde ustaldy

<p>ATYRAÝ. KAZINFORM &mdash; Esirtki qylmysyna qarsy is-qımyl basqarmasynyń qyzmetkerleri Kınologııa ortalyǵy qyzmetkerlerimen birlesip &laquo;Qarasora&raquo;jedel izdestirý is-sharalary barysynda esirtki zattaryn taratqan 38 jastaǵy er adamdy jáne 28 jastaǵy áıeldi ustady. Jeke tintý kezinde zıp-paketke salynǵan sıntetıkalyq esirtkiniń<strong data-entity-type="MessageEntityBold"> </strong>81 oramy tárkilendi. Bul týraly Polisia.kz saıty jazdy.&nbsp;</p>

Sondaı-aq, jalǵa alynǵan páterleri men qala kóshelerinen kúdiktiler jasyrǵan 100 grammǵa jýyq sıntetıkalyq esirtkiler anyqtalyp, tárkilendi

«Qazirgi ýaqytta kúdiktilerge qatysty qylmystyq is-tirkelip, sotqa deıingi tergeý amaldary júrgizilýde. Ózge aqparat tergeý múddesine sáıkes jarııalaýǵa jatpaıdy», — delingen habarlamada.