Atyraýda er adam kópirden Jaıyq ózenine sekirip ketti

<p>ATYRAÝ. KAZINFORM &ndash; Atyraý qalasynda er adam jaıaý júrginshilerge arnalǵan kópirden Jaıyq ózenine sekirip ketti. Ony jedel qutqarý jasaǵynyń qyzmetkerleri qutqaryp qaldy.&nbsp;</p>

Atyraý oblystyq tótenshe jaǵdaılar departamentiniń qoǵammen baılanys tobynan málim etkendeı, oqıǵa búgin, 28 qyrkúıekte bolǵan.

«Tańerteńgi saǵat 8:28-de departamentamenttiń dıspetcherlik pýltine Atyraý qalasynyń «Turǵyndar qalashyǵy» shaǵyn aýdanyndaǵy jaıaý júrginshiler kópirinen er adam sýǵa sekirgeni jóninde habar tústi. Shaqyrtý ornyna dereý jetken qutqarýshylar er adamdy sýdan shyǵardy», - dep habarlady departamenttiń qoǵammen baılanys tobynan. 

Er adamdy qutqarýǵa tótenshe jaǵdaılar departamentiniń 4 qutqarýshysy, apattyq medıtsına ortalyǵynyń 3 qyzmetkeri men 1 qaıyq, 1 kólik tartylǵan.

Oblystyq polıtsııa departamenti baspasóz qyzmetiniń aqparatyna qaraǵanda, patrýldik polıtsııa batalonynyń qyzmetkerleri er adamǵa alǵashqy medıtsınalyq kómek kórsetken.

«Polıtseıler jasandy tynys berý áreketin jasaǵan soń er adam esin jıdy. Qazir atalǵan derekke qatysty jedel-tergeý toby keshendi tergeý amaldaryn júrgizýdi bastady», - dep málim etti departamenttiń baspasóz qyzmeti.

Ázirge er adamnyń kópirden Jaıyq ózenine sekirýine ne sebep bolǵany belgisiz. Jedel járdem brıgadasynyń qyzmetkerleri er adamdy oblystyq aýrýhanaǵa jetkizdi.

Eske sala ketelik, budan buryn Atyraýda 15 jasar qyzdy turmysqa bergeni týraly aqparat taraǵanyn habarlaǵan bolatynbyz.