Atyraýda er adam avtobýs júrgizýshisin soqqyǵa jyqty

<p>ATYRAÝ. KAZINFORM &ndash; Atyraýda qoǵamdyq kólikke mingen er adam jolaqy tóleýden bas tartqan. Sóıtip eskertý jasaǵan júrgizýshige dóreki sóılep, soqqyǵa jyqqan.&nbsp;</p>

Bul týraly Instagram jelisinde vıdeo tarady. Oqıǵa Atyraý qalasynda №22 baǵytta jolaýshy tasymaldaıtyn avtobýsta bolǵan. «Smart-Atyraý» KMK dırektory Arslan Aronovtyń aıtýyna qaraǵanda, jolaýshy men júrgizýshi arasyndaǵy kıkiljiń jolaqyǵa qatysty órbigen.

«Avtobýsqa mingen er adam júrgizýshige dórekilik tanytyp, qol jumsady. Soqqynyń saldarynan júrgizýshiniń beti men kózi isti. Avtobýs júrgizýshisi polıtsııaǵa shaǵym túsiredi. Al, buzaqylyq jasaǵan jolaýshy valıdatordy syndyrdy», - dep málim etti Arslan Aronov.

Eske sala ketelik, buǵan deıin Atyraýda balalaryna alıment tólemegen 30 boryshker qamalǵanyn habarlaǵan edik.