Atyraýda emhana dırektory qamaýǵa alyndy

<p>Atyraý qalasyndaǵy №4 emhananyń dırektory bıýdjettiń iri mólsherdegi qarjysyn urlady degen kúdikpen ustalyp, qamaýǵa alyndy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

«Oblystyq prokýratýranyń úılestirýimen Atyraý qalalyq №4 emhananyń dırektory bıýdjet qarajatyn asa iri mólsherde urlady degen kúdikpen ustaldy. Atyraý qalasynyń mamandandyrylǵan tergeý soty kúdiktige «qamaýda ustaý» túrindegi bultartpaý sharasyna sanktsııa berdi», - dep málim etti Sybaılas jemqorlyqqa qarsy is-qımyl agenttigi Atyraý oblystyq departamentiniń baspasóz qyzmetinen.

Qazir sotqa deıingi tergeý amaly bastaldy. Tergeý múddesine oraı ózge aqparat jarııalanbady.

«QR Konstıtýtsııasynyń 77-baby 3-tarmaǵynyń 1-tarmaqshasy, Qylmystyq-protsestik kodeksiniń 19-baby 1-bóligine sáıkes adamnyń kináli ekendigi zandy kúshine engen sot úkimimen tanylǵansha ol jasalǵan qylmysqa kináli emes dep esepteledi», - dedi baspasóz qyzmetinen.