Atyraýda eki aýyldyń arasyndaǵy jyrylǵan jolǵa 12 metrlik beton plıta qoıyldy
Mahambet aýdany jedel shtabynyń úılestirýshisi Alshynbek Muhanǵalıevtyń aıtýynsha, qazir Mahambet pen Sarytoǵaı aýyldaryn jalǵaıtyn joldy baqylaý kúsheıtilgen.
«Birneshe kún buryn Jaıyq ózeninen mol sý kelip, Mahambet aýylyna qaýip tóndirgen edi. Soǵan baılanysty Mahambet pen Sarytoǵaı aýyldary arasyndaǵy jol jabylyp, arnaıy tehnıkalarmen jyryldy. Joldyń uzyndyǵy – 5 shaqyrym. Qazir atalǵan joldyń eki jaǵyna qorǵanys bógeti salynyp, ústine uzyndyǵy 12 metrlik beton plıta qoıyldy. Bul jolmen jaıaý júrginshiler men jeńil kólikterdiń ótýine bolady. Sarytoǵaı aýylynan shyǵatyn ortasha jáne aýyr júk kólikteri «Seıtek» sháıhanasy janyndaǵy aınalma jolmen júredi», - dedi Alshybek Muhanǵalıev.
Onyń aıtýyna qaraǵanda, qazir polıtseıler qyzmetkerleri atalǵan joldaǵy qozǵalysty baqylaýǵa alǵan. Ásirese, jaıaý júrginshiler men jeńil avtokólikter qaýipsizdigi udaıy qadaǵalanyp otyr.
«Qazir Mahambet aýdanynda Jaıyq ózeniniń jaǵalaýyna ár 300 metr saıyn 27 kezekshilik beketi qoıyldy. Kezekshilikke tótenshe jaǵdaılar salasynyń mamandary men sarbazdar, memlekettik qyzmetkerler men jergilikti turǵyndar tartyldy. Olar aýdandyq jedel shtabqa saǵat saıyn Jaıyq ózenindegi ahýal týraly baıandaıdy», - dep málim etti Alshynbek Muhanǵalıev.
Eske sala ketelik, buǵan deıin Jaıyq ózenindegi sý deńgeıi Inder aýdanynda 10 metrden tómen túskenin habarlaǵan edik.