Atyraýda dúkende veıp satý deregine qatysty qylmystyq is qozǵaldy

<p>ATYRAÝ. KAZINFORM &ndash; Atyraýda temeki ónimderin satatyn dúkennen 28 veıp tárkilendi. Osy derekke qatysty qylmystyq isti tergeý bastaldy. &nbsp;</p>

Atyraý oblystyq polıtsııa departamenti baspasóz qyzmetiniń málimetinshe, bul derek «Ýchaske» jedel profılaktıkalyq is-sharasy kezinde anyqtalǵan.

«Elimizde bıylǵy 24 maýsymda veıpterdi satýǵa tyıym salatyn zańdylyq kúshine endi. Osyǵan oraı Atyraý qalasyndaǵy №1 qalalyq polıtsııa bóliminiń ýchaskelik polıtsııa ınspektorlary quqyq buzýshylyqtyń aldyn alý, anyqtaý, jolyn kesý maqsatyndaǵy is-sharasy kezinde veıpterdi zańsyz satý faktisin anyqtady. Polıtseıler temeki ónimderin satatyn dúkennen 28 dana tyıym salynǵan veıpti tárkiledi. Zańsyz elektrondy temeki satý deregimen qylmystyq is qozǵaldy. Qazir tergeý amaldary júrgizilip jatyr», - dep habarlady departamenttiń baspasóz qyzmeti.

QR Qylmystyq kodeksiniń 301-1-babyna sáıkes kúdiktilerge 200 aılyq eseptik kórsetkish mólsherindegi aıyppul salý, nemese 50 táýlik merzimge qamaýǵa alý túrindegi jaýapkershilik qarastyrylǵan.

Eske sala ketelik, buǵan deıin Atyraýda suıytylǵan gaz saqtaıtyn parktiń 5,5 mlrd teńgelik aktsııasy qaıtarylǵanyn habarlaǵan edik.