Atyraýda Dinmuhamed Qonaev aıaldaǵan jerde ashyq aspan astyndaǵy murajaı ashylady
Inder aýdanynda «Dımash tóbe» degen dóńes bar. Aýdan ortalyǵy – Inderbor kentinen shyǵysqa qaraı 8 shaqyrym qashyqtyqta ornalasqan. Erterektegi ataýy «Ońdasyn jaly» bolǵan.
Aýdan ákimi Daryn Shamuratovtyń aıtýyna qaraǵanda, 1978 jyly Qazaqstannyń memleket jáne qoǵam qaıratkeri, sol kezdegi birinshi hatshy Dinmuhamed Qonaev dál osy dóńniń ústinde jergilikti jurtshylyqpen kezdesipti. Sol kezde Inder aýdanynyń aýmaǵyndaǵy qazba baılyqtyń mol qory qoıylǵan dala murajaıy uıymdastyrylypty. Sodan beri ınderlik turǵyndar bul dóńdi «Dımash tóbe» dep ataıdy.
«Oblys ákimi Serik Shápkenovtiń usynysymen atalǵan tarıhı oryndy qaıta jańǵyrtyp, ashyq aspan astyndaǵy murajaıǵa aınaldyrýdy kózdedik. Sol sebepten, bul oryndy óńirlik týrıstik kartaǵa engizý maqsatynda jańa joba jasaldy. Jobaǵa sáıkes ashyq aspan astyndaǵy murajaıǵa kirer tustaǵy mańdaıshaǵa «Dımash tóbe» ataýy jazylady», -deıdi Daryn Shamuratov.
Ákimniń aıtýynsha, murajaı mańdaıshasynyń sol jaq baǵanyna sol kezde túsirilgen tarıhı fotonyń kóshirmesi qoıylady. Al, oń jaqtaǵy baǵanda murajaı jóninde aqparat beriledi. Ashyq aspan astyndaǵy jańa murajaıdyń aýmaǵyna Dender kúmbezindegi qazba baılyqtyń túrleri, onyń ishinde mıneral tastar men rýdalar salynǵan birneshe jáshik qoıylady. Jáshikti tastan jasaý kózdelgen. Sondaı-aq, eki úlken kúmbezdi kompozıtsııa ornatylady.
Eske sala ketelik, budan buryn Ortaǵasyrlyq Saraıshyqtan kóne keseneniń dromosy tabylǵanyn jazǵan bolatynbyz.