Atyraýda dinı-ekstermıstik ıdeologııany nasıhattaǵan er adam ustaldy

<p>ATYRAÝ. KAZINFORM &ndash; Atyraýda er adam dinı-ekstremıstik ıdeologııany nasıhattap kelgen. Jergilikti polıtsııa qyzmetkerleri &laquo;Tablıǵı jamaǵat&raquo; dinı-ekstremıstik uıymynyń ıdeıalaryn taratqan kúdiktini ustady.</p>

Atyraý oblystyq polıtsııa departamenti baspasóz qyzmetiniń aqparatyna súıensek, atalǵan qozǵalys Úndistan jáne Pákistan elinen shyqqan. 

– Qozǵalystyń ıdeologııasy azamattyq quqyqtar men mindetterden, atap aıtqanda, otbasyn qamtamasyz etý, ata-anaǵa qamqorlyq jasaý, balalardy tárbıeleý, bilim alý, turaqty jumys isteýden bas tartyp, úzdiksiz mıssıonerlik qyzmetke negizdelgen. Bul qozǵalys Qazaqstanda ekstremıstik dep tanylyp, dástúrli moraldyq qundylyqtarǵa qater tóndiretin uıym retinde sot arqyly tyıym salynǵan. Jedel izdestirý is-sharalarynyń nátıjesinde ustalǵan azamattyń meshitterde dindar jastarmen kezdesip, úıine shaqyryp, ekstremıstik áreketterge tartý maqsatynda «Tablıǵı jamaǵat» ıdeologııasyn nasıhattaǵany anyqtaldy, - dep habarlady departamenttiń baspasóz qyzmeti. 

Ustalǵan er adamnyń turǵylyqty meken-jaıyn tintý kezinde sot sheshimimen tyıym salynǵan dinı mazmundaǵy kitaptar men elektrondy materıaldar tabylǵan. 

– Al, 44 jastaǵy kúdikti buǵan deıin de atalǵan ekstremıstik uıymnyń qyzmetine qatysqany úshin sotty bolǵan. Qazir ekstremızmdi júzege asyrýǵa baılanysty sot sheshimimen tyıym salynǵan dinı uıymdy uıymdastyrý jáne onyń qyzmetine qatysý belgileri boıynsha qylmystyq is tergelip jatyr. Ózge aqparat tergeý múdessine sáıkes jarııalaýǵa jatpaıdy, - dep málim etti departamenttiń baspasóz qyzmetinen. 

Eske sala ketelik, buǵan deıin Atyraýda kópirden sekirýge oqtalǵan 17 jasar jasóspirim qutqarylǵanyn jazǵan bolatynbyz.