Atyraýda bıýdjettiń 573 mln teńgesin jymqyrǵan bas esepshi 8 jylǵa sottaldy

<p>ATYRAÝ. KAZINFORM &ndash; Atyraýda emhananyń bas esepshisi bıýdjettiń 573 mln teńgesin óz esepshotyna aýdaryp alǵan. Sot úkimimen bas esepshi osy qylmysy úshin 8 jylǵa sottaldy.&nbsp;</p>

Bul qylmystyq is Atyraý qalasynyń №2 sotynda qaraldy. Sottalýshyǵa QR Qylmystyq kodeksiniń 189-babynyń 4-bóliginiń 2-tarmaǵy, 218-babynyń 1-bóligimen aıyp taǵylǵan.

«Atyraý qalalyq emhanasynyń bas býhgalteri qyzmet babyn paıdalanyp, qasaqana paıdaqorlyq nıetpen 2012-2023 jyldar aralyǵynda ózine senip tapsyrylǵan 573 mln teńgeden astam bıýdjet qarajatyn ıemdenip, bankterdegi óz esep-shottaryna aýdarǵan. Qylmystyq jolmen alynǵan osy qarajatty aýdarý túrinde mámileler jasasý arqyly zańdastyrǵan. Emhanaǵa asa iri mólsherde zalal keltirilgen. Іsti qaraý barysynda sottalýshy 3 mln teńgeni ótegen», - dep habarlady sottyń baspasóz qyzmeti.

Prokýror sottalýshyny 8 jyl merzimge bas bostandyǵynan aıyrýdy usynǵan. Al, sottalýshy ózine jńil jaza túrin taǵaıyndaýdy suraǵan.

Sot sottalýshyǵa qatysty birneshe jaıtqa gazar aýdardy. Birinishiden, sottalýshy óziniń aıybyn ishinara moıyndaǵan. Ekinshiden, óziniń áreketine ókingen. Úshinshiden, sottalýshynyń asyraýynda jas balalary bar. Tórtinshiden, ol keltirilgen zııandy ishinara ótegen. Osynyń bári jazany jeńildetetin mán-jaı retinde tanylyp otyr.

«Sottalýshy taǵylǵan aıyptar boıynsha kináli dep tanyldy. Qylmystyq jolmen tabylǵan qarajatqa satyp alynǵan múlki memleket paıdasyna tárkilendi. Oǵan qarajat jáne materıaldyq jaýaptylyqqa baılanysty qyzmetpen aınalysý quqyǵynan 10 jylǵa, bas bostandyǵynan 8 jyl merzimge aıyrý jazasy taǵaıyndaldy», - dep málim etti sottyń baspasóz qyzmetinen.

Apellıatsııa birinshi satydaǵy sottyń úkimimen kelisti. Sot úkimi zańdy kúshine endi.

Eske sala ketelik, budan buryn Atyraýda birneshe ret para alǵan ınspektsııa basshysy 7,5 jylǵa sottalǵanyn habarlaǵan edik.