Atyraýda bir mektep 10,9 mln teńgege 90 parta satyp almaq bolǵan

<p>ATYRAÝ. KAZINFORM &ndash; Atyraý oblysynda bir mektepke 90 partany satyp alýǵa 10,9 mln teńgeni jumsaýdy josparlaǵan. Baǵa naryqtaǵydan birneshe esege kóp kórsetilgen. Sybaılas jemqorlyqqa qarsy is-qımyl agenttigi Atyraý oblystyq departamentiniń baspasóz qyzmetinen málim etkendeı, bul derek Mahambet aýdanynda anyqtalyp otyr.&nbsp;</p>

«Mahambet aýdanynyń bilim bólimine qarasty Jalǵansaı orta mektebi bir partany 121 myń 428 teńgeden satyp alýǵa usynys bergen. Osylaısha 90 parta úshin 10,9 mln teńgeni jumsaýdy josparlaǵany anyqtady. Bul taýardyń ortasha baǵasy 30-40 myń teńgeni quraıdy», -dep habarlady departamenttiń baspasóz qyzmeti. 

Sybaılas jemqorlyqqa qarsy volonterlerdiń usynysymen tapsyrys berýshi 1 partanyń baǵasyn 2,5 esege – 44 myń 642 teńgege tómendetken. Al, partanyń sanyn 208-ge deıin jetkizip, 9,2 mln teńgege satyp alýdy jarııalaǵan. 

«Elimizde «Sybaılas jemqorlyqqa qarsy volonterlik» jobasy aıasynda satyp alý baǵasyna monıtorıng júrgizilip keledi. Volonterler monıtorınginiń nátıjesinde bıylǵy birinshi toqsanda bıýdjettiń 53,9 mln teńgeden astam qarjysyn tıimsiz jumsaýǵa jol berilmedi», - dep málim etti departamenttiń baspasóz qyzmetinen.

Eske sala ketelik, buǵan deıin «Jaıly mektep» jobasymen Atyraýda 12 bilim ordasy salynyp jatqanyn jazǵan edik.