Atyraýda básekelestik zańnamasyn buzǵandardan 1,1 mlrd teńge aıyppul óndirildi
Básekelestikti qorǵaý jáne damytý agenttigi Atyraý oblystyq departamentiniń basshysy Aıgúl Nábıevanyń aıtýynsha, taýar naryǵyna jospardan tys 17 taldaý júrgizilgen. Tekserý kezinde 7 zań buzýshylyq deregi anyqtalǵan.
«Máselen, «Suıytylǵan munaı gazyn saqtaý parki» JShS suıytylǵan munaı gazyn kóterme saýda naryǵynda ótkizý úshin monopolııalyq joǵary baǵany belgilegen. Sol baǵany ustap turǵany úshin ákimshilik jaýapqa tartyldy. Seriktestikke 162 mln teńgeden astam ákimshilik aıyppul salyndy. Aıyppul qarjysy memleket paıdasyna óndirildi. Al «ATMA-Atyraý Áýejaıy jáne Tasymaldaý» AQ jalǵa alýshylarmen jasalǵan kelisimshartta ártúrli baǵany qoldanǵan. Kompanııaǵa básekelestikti qorǵaý zańnamasyn buzǵany úshin ákimshilik quqyq buzýshylyq týraly is qozǵaldy. Sot sheshimimen kompanııaǵa 2 mln teńgeden asa aıyppul salyndy. Ózge de kásiporyndar men kompanııalarǵa tekserý júrgizilip, básekelestikti qorǵaý zańnamasyn buzǵandardan 1 mlrd 172 mln teńge aıyppul óndirilip alyndy», - dedi Aıgúl Nábıeva.
Eske sala ketelik, budan buryn Atyraý ekologteri jyl basynan beri 12 mlrd teńgeden astam aıyppul óndirgenin jazǵan bolatynbyz.