Atyraýda balabaqsha aýlasynda ıtti qorlaǵan er adamǵa qylmystyq is qozǵaldy

<p>ATYRAÝ. KAZINFORM &ndash; Atyraýda balabaqsha aýlasynda ıtti qorlaǵan er adam ustaldy. Kúdiktige qatysty qylmystyq is qozǵaldy.</p>

Bul týraly áleýmettik jelide vıdeo tarady. Oqıǵa Atyraý qalasynda bolǵan.

Atalǵan derekti rastaǵan polıtsııa departamentiniń baspasóz qyzmetiniń aqparatyna súıensek, 30 jastaǵy kúdikti ustalǵan.

«Polıtsııa qyzmetkerleri «Juldyz» shaǵyn aýdanynyń aýmaǵynda ornalasqan balabaqsha aýlasynda buralqy ıtti qorlaǵan er adam ustaldy. Kúdikti ıtti teýip, jarǵa laqtyrǵan. Qazir kúdiktige qatysty janýarlarǵa qatygezdikpen qaraý deregimen qylmystyq is qozǵaldy. Ózge aqparat tergeý múddesine sáıkes jarııalaýǵa jatpaıdy», -dep málim etti departamenttiń baspasóz qyzmetinen.

Eske sala ketelik, buǵan deıin Atyraýda tońazytqyshtyń esigimen qysyp, azaptaǵan ıtti AQSh azamaty asyrap alǵanyn habarlaǵan edik.