Atyraýda baǵana ornatý úshin qazylǵan shuńqyrǵa 2 jasar búldirshin túsip ketken

<p>ATYRAÝ. KAZINFORM &ndash; Atyraý oblysynda 2 jasar qyz elektr baǵany úshin qazylǵan tereń shuńqyrǵa qulap ketken. Ony Inder aýdanyndaǵy №5 órt sóndirý bóliminiń júrgizýshisi Nurlybek Salamatov alyp shyqqan.</p>

Oqıǵa Inder aýdanynyń ortalyǵy – Inderbor kentinde bolǵan.

Órt sóndirý bólimine túsken shaqyrtýmen oqıǵa ornyna áriptesterimen birge kelgen júrgizýshi Nurlybek Salamatov tereń shuńqyrǵa eńkeıip, batyl áreket etti. Júrgizýshiniń aıaǵyn qasyndaǵy qutqarýshylar ustap turǵan. Júrgizýshi qolyn sozyp, kishkentaı qyzdy qaýipti aýmaqtan tez shyǵaryp alǵan.

"Balaǵa medıtsınalyq kómek qajet bolmady. Tótenshe jaǵdaılar mınıstrliginiń qyzmetkerleri mundaı qutqarý operatsııalaryn jıi júrgizedi. Olar adam ómirin saqtap qalý úshin ár sekýndtyń mańyzdy ekenin túsinip, tez áreket etedi. Ata-analarǵa kámeletke tolmaǵan balalardy qaraýsyz qaldyrmaýdy eskertemiz", - dep habarlady mınıstrliktiń baspasóz qyzmeti.

Eske sala ketelik, budan buryn Atyraýda Jaıyq ózenine batqan úshinshi jasóspirimniń múrdesi sýdan shyǵarylǵanyn habarlaǵan edik.