Atyraýda aýdandyq sottyń sýdıasy 2,5 mln teńge paramen ustaldy

<p>ATYRAÝ. KAZINFORM - Atyraý oblysynda sýdıanyń alaıaqtyq is-áreketi áshkere boldy.&nbsp;</p>

2024 jylǵy 10 qańtarda Atyraý oblysy Mahambet aýdandyq sotynyń sýdıasyna is qozǵalǵan. 

Ol Qylmys kodeksiniń 190-baby 3-bóligi 2-tarmaǵy, ıaǵnı alaıaqtyq is-áreketi úshin aıyptalyp otyr.

Materıal sotqa deıingi tergep-tekserýdiń biryńǵaı tizilimine tirkeldi.

«Ulttyq qaýipsizdik komıteti oblys boıynsha departamentiniń qyzmetkerleri sot ákimshiligi departamentiniń ishki qaýipsizdik bólimimen birlese otyryp, 15 qańtarda sýdıany 2,5 mln teńgeni alý kezinde paramen ustady» dep málimdedi Atyraý oblystyq sotynyń baspasóz qyzmeti.

Kúdiktige protsestik májbúrleý sharasy qoldanylmaǵan.

Qazirgi ýaqytta eki vedomstvonyń birlesken is-áreketimen sotqa deıingi tergep-tekserý jalǵasyp jatyr.