Atyraýda aýany lastaıtyn qaldyqtardyń basym bóligi 4 kompanııanyń úlesine tıesili

<p>ATYRAÝ. KAZINFORM &ndash; Atyraýda aýany lastaıtyn qaldyqtar 4 kompanııaǵa tıesili. Bul týraly Ekologııa jáne tabıǵı resýrstar mınıstriniń orynbasary Mansur Oshýrbaev málim etti.&nbsp;</p>

Onyń aıtýynsha, Atyraý oblysy – elimizdegi ekologııalyq qolaısyz óńirlerdiń biri. Qazir oblys boıynsha aýany lastaıtyn shyǵaryndylardyń jalpy kólemi 108 myń tonnany quraıdy. 

«Qaldyqtardyń 85 paıyzy kásiporyndardyń úlesinde. Negizgi úlesti munaı-gaz sektoryndaǵy «Teńizshevroıl», «NCOC», Atyraý munaı óńdeý zaýyty sekildi kompanııalar men «Atyraý jylý-elektr ortalyǵy» AQ qurap otyr. Qazir atalǵan kásiporyndar shyǵaratyn zııandy qaldyqtaryn baqylaý maqsatynda monıtorıngileýdiń avtomattandyrylǵan júıesin engizý jumysy júrgizilip jatyr. Búginge deıin «Atyraý munaı óńdeý zaýyty» men «Atyraý jylý-elektr ortalyǵy» atalǵan júıeni engizdi. Al, «NCOC N.V.» fılıaly, «Teńizshevroıl» jáne «KPI» JShS osyndaı júıeni engizýdi qolǵa aldy. Bul kompanııalardyń deregi mınıstrlikke beriledi», - dedi Mansur Oshýrbaev.

Eske sala ketelik, buǵan deıin Atyraý oblysynda jer qoınaýyn paıdalanýshyǵa 12,2 mlrd teńge aıyppul salynǵanyn habarlaǵan bolatynbyz.