Atyraýda alıment bereshegi bar adam ulynyń oqý aqysyn tóleıtin boldy

<p>ATYRAÝ. KAZINFORM &ndash; Atyraýda alıment bereshegi bar er adam ulynyń oqý aqysyn tóleýdi mindetine aldy.</p>

Atyraý oblystyq kámeletke tolmaǵandardyń isteri jónindegi mamandandyrylǵan aýdanaralyq sotynda ákesinen ulynyń oqý aqysyn óndirý týraly azamattyq is qaraldy.

Sotta anyqtalǵandaı, talap qoıýshy D. men jaýapker S. arasyndaǵy zańdy neke buzylǵan. Erli-zaıyptylar ajyrasqan soń kámeletke tolmaǵan jasóspirim uly anasymen birge turǵan. 

«Balanyń anasy talap aryzynda ortaq ulynyń Atyraý joǵarǵy medıtsınalyq kolledjiniń kúndizi bóliminde aqyly negizde oqıtynyn kórsetken. Alaıda, ákesi alıment boıynsha mindettemelerin óz erkimen oryndamaǵan. Osyǵan baılanysty talap qoıýshy jaýapker S.-dan ortaq ulyn oqytýǵa jumsalǵan somanyń jartysyn óndirýdi surady», -dep habarlady sottyń baspasóz qyzmeti.

Sotta taraptarǵa tatýlastyrý rásiminiń tıimdiligi túsindirilgen. Sonyń nátıjesinde taraptar medıatsııalyq kelisimge keldi. Kelisim shartyna sáıkes jaýapker áke ulyna oqý aqysyn tóleýdi mindetine aldy. 

Sot uıǵarymymen medıatsııalyq kelisim bekitilip, is óndiristen toqtatyldy.
Eske sala ketelik, budan buryn habarlaǵan bolatynbyz.