Atyraýda áldebireýler Jaıyq jaǵasynan qum toltyrylǵan qapshyqtardy urlady
10:23, 19 Sáýir 2024
<p>ATYRAÝ. KAZINFORM – Atyraýda Jaıyq jaǵasynan qum toltyrylǵan qapshyqtardy urlaǵandar ustaldy.</p>
Atyraý oblystyq polıtsııa departamentiniń baspasóz qyzmetinen málim etkendeı, oqıǵa 18 sáýir kúni saǵat 21:00 shamasynda bolǵan.
«Jaıyq ózeniniń jaǵalaýyndaǵy bógetti bekitýge daıyndalǵan qum toltyrylǵan qapshyqtardy urlaǵan kúdiktiler ustaldy. Kúdiktiler – 4 er, bir áıel. Erlerdiń jasy 32, 37, 38 jáne 42-de, al, áıeldiń 34 jasta ekeni anyqtaldy. Olar aldyn ala aqyldasyp, qum toltyrylǵan qapshyqtardy kólikke tıep tasyǵan» dep habarlady departamenttiń baspasóz qyzmeti.
Qazir kúdiktilerge qatysty jymqyrý deregimen qylmystyq is qozǵaldy.
Eske sala ketelik, buǵan deıin Atyraýdaǵy bóget qurylysyna ózge óńirlerden jetkizilgen tehnıkalar tartylǵanyn jazǵan bolatynbyz.