Atyraýda birlestik tóraǵasy aýdan ákimine kópe-kórineý jala japqan

<p>ATYRAÝ. KAZINFORM &ndash; Atyraýda aýdan ákimine jala japqan birlestik tóraǵasyna 664 560 teńge aıyppul salyndy.</p>

Atyraý oblystyq sotynyń baspasóz qyzmetinen málim etkendeı, qoǵamdyq birlestik tóraǵasy jala japqany úshin kináli dep tanylǵan.

«️Qoǵamdyq birlestik tóraǵasy «Facebook» áleýmettik jelisinde Qyzylqoǵa aýdanynyń ákimine qatysty jazba jáne aýdıo-beınejazba jarııalaǵan. ️Belsendi memlekettik baǵdarlamasymen turǵyn úı, avtojoldar, kópir jáne basqa da áleýmettik nysandar, sondaı-aq, osy úshin bólingen 40 mln teńge boıynsha turǵyn úıler qurylysy týraly shyndyqqa janaspaıtyn málimetterdi jarııalaǵan. Ony teriske shyǵarý maqsatynda ákim quqyq qorǵaý organdaryna júginip, óziniń ar-namysy men qadir-qasıetine jáne bedeline nuqsan keltiretin kórineý jalǵan málimetterdiń taralǵanyn kórsetti», - dep habarlady sottyń baspasóz qyzmeti. 

Quqyq buzýshynyń kinási jábirlenýshiniń aryzymen, iske qatysýshylardyń túsinikterimen, polıtsııa qyzmetkeriniń baıanatymen, áleýmettik jelide jarııalanǵan jazbalar jáne aýdıo-beınejazbalarmen, ákimshilik quqyq buzýshylyq týraly hattamamen, saraptama qorytyndysymen jáne basqa da is materıaldarymen dáleldendi.

«Maqat aýdandyq sotynyń qaýlysymen qoǵamdyq birlestik tóraǵasy QR ️kimshilik quqyq buzýshylyq týraly kodeksiniń 73-3-baby 2-bóligimen kináli dep tanyldy. Ol 20 táýlik merzimge ákimshilik qamaqqa alý jazasy taǵaıyndaldy. ️Іs quqyq buzýshynyń advokattarynyń apellıatsııalyq shaǵymdarymen apellıatsııada qaıta qaraldy. Olar sot qaýlysymen kelispeı, ákimshilik quqyq buzýshylyq týraly isti toqtatýdy surady. Apellıatsııa quqyq buzýshylyqtyń sıpatyn, quqyq buzýshynyń jeke basyn, burynǵy ákimshilik quqyq buzýshylyq boıynsha ákimshilik aıyppuldyń tólengenin, onyń otbasy jaǵdaıyn eskerdi. Oǵan ákimshilik aıyppul túrindegi balamaly jazany qoldandy», - dep málim etti sottyń baspasóz qyzmetinen.

Sot qaýlysy ózgertilip, qoǵamdyq birlestik tóraǵasyna 664 myń 560 teńge kóleminde ákimshilik aıyppul salyndy.

Sot qaýlysy zańdy kúshine endi.

Eske sala ketelik, buǵan deıin Atyraýda 18 jastaǵy turǵyn dinı alaýyzdyqqa shaqyratyn kitaptar taratqanyn jazǵan edik.