Atyraýda 57 jastaǵy áıel jas kúıeýin pyshaqtap óltirdi

<p>Atyraýda 57 jastaǵy áıel azamattyq nekedegi kúıeýin pyshaqtap ótirdi, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform.</a></p>

Oblystyq Polıtsııa departamentiniń baspasóz qyzmetinen málim etkendeı, oqıǵa keshe, 20 jeltoqsanda bolǵan.

«Jergilikti ýaqytpen saǵat 18:50 shamasynda 40 jastaǵy áıel habarlasyp, óz anasy azamattyq nekedegi kúıeýiniń ishine as úı pyshaǵymen jaraqat salǵanyn aıtty. Oqıǵa ornyna jedel jetken polıtseıler otbasylyq janjal saldarynan 57 jastaǵy áıel 27 jastaǵy er adamdy as úı pyshaǵymen jaraqattaǵanyn anyqtady. Saldarynan ol kóz jumdy», – dep habarlady departamenttiń baspasóz qyzmetinen.

Qazir atalǵan derek boıynsha QR Qylmystyq kodeksiniń 99-baby 1-bóligimen (Adam óltirý, ıaǵnı basqa adamdy quqyqqa qarsy qasaqana qazaǵa ushyratý) sotqa deıingi tergeý amaldary bastaldy. Sot-medıtsınalyq saraptama taǵaıyndaldy.

«Azamattyq nekedegi erli-zaıyptynyń otbasynda buǵan deıin birneshe ret janjal bolǵan. 27 jastaǵy er adamnyń qańtar jáne sáýir aıynda 2 márte ákimshilik qamaýǵa alynǵany anyqtaldy», – dep naqtylady vedomstvodan.