Atyraýda 5 mln teńgege jýyq aıyppulyn tólemegen 2 júrgizýshi ustaldy

<p>ATYRAÝ. KAZINFORM &ndash; Atyraý oblysynda aıyppulyn tólemeı júrgen 50-ge jýyq júrgizýshi anyqtaldy. Onyń ishinde 5 mln teńgege jýyq aıyppuly bar eki júrgizýshiniń avtokóligi arnaıy turaqqa qoıyldy.&nbsp;</p>

Atyraý oblystyq polıtsııa departamenti baspasóz qyzmetiniń aqparatyna súıensek, jeke sot oryndaýshylarymen birlesken reıd júrgizilgen.

«Birlesken reıdtiń maqsaty – jol qozǵalysy erejesin buzǵany úshin salynǵan ákimshilik aıyppuldardy óndirip alýdyń tıimdiligin arttyrý. Reıd kezinde ár túrli somadaǵy aıyppulyn tólemeı júrgen 50-ge jýyq júrgizýshi anyqtaldy. Máselen, Volkswagen Polo avtokóliginiń júrgizýshisi 3 mln 209 myń 394 teńge aıyppulyn áli tólemegen. Al, Lada–21903 avtokóliginiń ıesine 1 mln 792 myń 167 teńge aıyppul salynǵan. Eki júrgizýshige qomaqty aıyppulyn tóleý qajettigi eskertildi. Olardyń kólikteri arnaıy turaqqa qoıyldy», - dep habarlady departamenttiń baspasóz qyzmeti.

Eske sala ketelik, Atyraýda on kúnde 321 júrgizýshiden 7,8 mln teńge aıyppul óndirilgenin habarlaǵan edik.