Atyraýda 5 kúnde 5 tonna prekýrsor men 3 myńǵa jýyq esirtki tárkilendi

<p>ATYRAÝ. KAZINFORM &ndash; Atyraý oblysynda 5 kúnde psıhotroptyq zattardyń aınalymyna qatysty erejelerdi buzýdyń 8 deregi anyqtaldy. Zań buzýshylardan 5 tonna prekýrsor men 3 myńǵa jýyq esirtki tárkilendi.</p>

Oblystyq Polıtsııa departamentiniń baspasóz qyzmetinen málim etkendeı, zań buzýshylyq «Dármek» is-sharasy kezinde anyqtalǵan.

«Іs-sharanyń maqsaty – esirtki quraldarynyń, psıhotroptyq zattar men olardyń prekýrsorlarynyń zańdy aınalymy salasyndaǵy quqyq buzýshylyqtardy anyqtaýǵa baǵyttaldy. Osyǵan baılanysty psıhotroptyq zattar, prekýrsorlardyń zańdy aınalymyn baqylaý úshin kásipkerlik sýbektilerge, densaýlyq saqtaý salasyndaǵy zerthanalar men dárihanalarǵa tekserý jumystary júrgizildi. Tekserý nátıjesinde 5 kúnde psıhotroptyq zattardyń zańdy aınalymyna qatysty erejelerin saqtamaýdyń 8 deregi anyqtaldy. Onyń ishinde lıtsenzııalaý normasyn buzýdyń 5, esirtki, psıhotroptyq zattar, prekýrsorlar aınalymy salasyndaǵy nysandar men úı-jaılardyń tehnıkalyq nyǵaıtylý talabyn saqtamaýdyń 3 deregi bar. Zań talabyn buzýshylardan 5 tonnadan astam prekýrsorlar men 3 myńǵa jýyq esirtki zattary tárkilendi», - dep habarlady departamenttiń baspasóz qyzmeti.

Eske sala ketelik, buǵan deıin Atyraý turǵyny úıinde fıtozerthana jabdyqtap, qarasora ósirgenin habarlaǵan bolatynbyz.