Atyraýda 4 jasar bala balabaqshanyń káriz qudyǵyna qulap, mert boldy
Oqıǵa búgin, 10 shildede Atyraý qalasynyń mańyndaǵy Qursaı aýylynda bolǵan.
Kúndizgi saǵat 11:00 shamasynda «Chebýrashka» jeke balabaqshasynda 4 jasar bala káriz qudyǵyna qulap ketken. Oqıǵa ornyna qutqarý qyzmeti men polıtsııa shaqyrtylǵan.
Atyraý oblystyq polıtsııa departamenti baspasóz qyzmetiniń málimetine súıensek, atalǵan oqıǵaǵa baılanysty keshendi tergeý júrgiziledi.
«Qazir Atyraý qalalyq polıtsııa basqarmasynda jeke menshik balabaqshada 4 jasar balanyń káriz qudyǵyna qulap, qaıtys bolýyna qatysty qylmystyq is tirkeldi. Polıtsııa qyzmetkerleri keshendi tergeý amaldaryn júrgizýdi bastady. Sot-medıtsınalyq saraptamasy taǵaıyndaldy. Ózge aqparat tergeý múddesine sáıkes jarııalaýǵa jatpaıdy», - dep habarlady departamenttiń baspasóz qyzmeti.
Eske sala ketelik, buǵan deıin Atyraýda ústine eskertkish qulaǵan 7 jasar qyz qaıtys bolǵanyn habarlaǵan edik.