Atyraýda 27 jastaǵy jigit turǵyndardy áıel daýsymen aldaǵan

<p>Atyraýda 27 jastaǵy jigit birneshe turǵyndy áıel daýsymen aldap kelgen, dep habarlaıdy <a href="Kazinform" target="_blank" rel="noopener">Kazinform</a>.</p>

Atyraý oblystyq polıtsııa departamentiniń baspasóz qyzmetinen málim etkendeı, bıyl áleýmettik jelidegi paraqshalarda páter jalǵa berý jónindegi jarııalanǵan habarlandyrýdan 20-ǵa jýyq turǵyn zardap shekken.

«Krımınaldyq polıtsııa basqarmasynyń qyzmetkerleri „Hi-Tech“ is-sharasy kezinde kúdiktiniń Krisha.kz paraqshasynda páterdi jalǵa berý jóninde jalǵan habarlandyrý berip kelgenin anyqtady. Ol habarlasqan turǵyndardyń aldyn-ala tólem retinde aýdarǵan qarjysyn alaıaqtyq jolmen ıemdengen. Nazar aýdaratyn bir jaıt, kúdikti telefondaǵy daýysyn ártúrli únge ózgertip, birde jas qyz, keleside orta jastaǵy áıel adam bolyp sóılesken.​ Máselen, 37 jastaǵy turǵyn kúdiktimen Whatsapp messnndjeri arqyly hat almasyp, ​ aldyn-ala 50 myń teńge aýdaryp, aldanyp qalǵan. Tergeý kezinde kúdiktiniń osyndaı 3 qylmystyq iske qatysy bary anyqtaldy», — dep habarlady departamenttiń baspasóz qyzmeti.

Qazir kúdiktige qatysty QR Qylmystyq kodeksiniń 190-babynyń 3-bóligimen sotqa deıingi tergep-tekserý bastaldy. Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.

Eske sala ketelik, buǵan deıin Atyraýda jumysqa ornalastyramyn dep allap 800 myń teńge alǵan adam ustalǵanyn jazǵan edik.