Atyraýda 24 jastaǵy júrgizýshiniń kóliginen 71 kıik múıizi tárkilendi

<p>ATYRAÝ. KAZINFORM &ndash; Atyraýda 71 kıik múıizin ákele jatqan 24 jastaǵy júrgizýshi ustaldy. Polıtsııa qyzmetkerleri kıik múıizin tárkiledi.</p>

Atyraý oblysy polıtsııa departamentiniń málimetine qaraǵanda, uıymdasqan qylmysqa qarsy kúres basqarmasynyń qyzmetkerleri «Brakoner-2024» jedel profılaktıkalyq is-sharasy kezinde kúdik týdyrǵan kólikti toqtatqan.

 

«Polıtsııa qyzmetkerleri Atyraý qalasynyń aýmaǵyndaǵy oıyn-saýyq ortalyǵynyń janynda kúdik týdyrǵan Toyota Highlander markaly avtokólikti toqtatyp, tekserý júrgizdi. Kóliktiń rýlinde 24 jastaǵy júrgizýshi bolǵan. Tekserý barysynda avtokóliktiń salonynan paketke salynǵan 71 dana kıik múıizi tabyldy. Júrgizýshige qatysty kıikti zańsyz qolǵa túsirý, joıý, sol sııaqty zańsyz qolǵa túsirilgen kıikti nemese onyń derıvattaryn, onyń ishinde múıizderin ıemdený, saqtaý, ótkizý, ákelý, áketý, jóneltý, tasymaldaý boıynsha sotqa deıingi tergep-tekserý júrgizý bastaldy. Ózge aqparat tergeý múddesine sáıkes jarııalaýǵa jatpaıdy», - dep habarlady departamenttiń baspasóz qyzmeti.

Eske sala ketelik, buǵan deıin «Bekire – 2024» is-sharasy kezinde Atyraýda brakonerlerden 270 keli bekire tárkilengenin habarlaǵan bolatynbyz.

Sondaı-aq, Atyraý oblysynyń turǵyny 27,6 keli bekiremen ustalǵanyn jazǵan edik.