Atyraýda 160 myń boryshker 1 mlrd teńgeden astam qaryzyn tólemeı júr

<p>ATYRAÝ. KAZINFORM &ndash; Atyraý oblysynda 160 myń boryshkerdiń 1 mlrd teńgeden astam qaryzy bary anyqtalyp otyr.</p>

Atyraý oblystyq Ádilet departamenti basshysynyń orynbasary Gúlanda Qystaýbaevanyń aıtýynsha, boryshkerlerdiń múlkin anyqtaý úshin birlesken reıd ótip jatyr.

«Reıdtiń maqsaty – atqarýshylyq qujattardyń májbúrlep oryndalýyn júzege asyrý. Alıment tóleminen jaltaryp júrgen boryshkerlerdi izdestirip, olardyń mekenjaıyn, múlikterin anyqtaýǵa nazar aýdarylady. Ákimshilik aıyppuldy óndirýge baılanysty oryndaýǵa 14 myń qujat tústi. Onyń ishinde Polıtsııa departamentiniń 12 myń qaýlysy bar. Reıdtiń alǵashqy kúninde 7 avtokólik arnaýly turaqqa qoıyldy. Kólik ıeleriniń 3 mln teńgeden astam qaryz ekeni anyqtaldy», -deıdi Gúlanda Qystaýbaeva.

Onyń aıtýyna qaraǵanda, alıment tólemegen jáne memleketke qaryzy bar boryshkerlerdiń avtokólikteri bereshegin óteý úshin saýda-sattyqqa shyǵarylýy múmkin.

Eske sala ketelik, budan buryn Atyraý oblysynda 48 boryshker áıel balalaryna alıment tólemegenin habarlaǵan bolatynbyz

Sondaı-aq, balalaryna alıment tólemegen boryshkerler qamaýǵa alynǵanyn jazǵan edik.