Atyraýda 12 myń jankúıerge arnalǵan stadıon salynady

<p>ATYRAÝ. KAZINFORM &ndash; Atyraý qalasynda 12 oryndyq jańa stadıon salý josparlanyp otyr. Stadıon qurylysynyń qashan bastalary ázirge belgisiz.</p>

Atyraý oblysy ákiminiń orynbasary Marat Mýrzıevtiń aıtýynsha, turǵyndar tarapynan jańa stadıonnyń qajetti týraly usynys berilgen. 

«Áleýmettik jeli arqyly da, arnaıy kezdesýlerde de sport súıer qaýym jańa stadıon qajettigi jóninde talap-tilekterin jıi aıtyp keledi. Osyǵan oraı aıtarym, bıyl shaharda halyqaralyq talaptarǵa saı 12 myń oryndyq jańa stadıonnyń jobasyn bastaýdy josparlap otyrmyz. Jobanyń tapsyrys berýshisi – oblystyq qurylys, sáýlet jáne qala qurylysy basqarmasy. Stadıon Atyraý qalasyndaǵy «Alaman bazary» mańynan boı kóteredi», -dep habarlady Marat Mýrzıev.

Onyń aıtýyna qaraǵanda, qazir atalǵan qurylys nysany boıynsha jobalaý-smetalyq qujattama jasaýǵa tenderlik rásim júrgizilip jatyr. Jańa nysan qurylysyna 7,7 gektar jer telimi bólingen. Ǵımarattyń jalpy aýdany – 35 myń sharshy metr.

Eske sala ketelik, budan buryn Atyraýda «Jaıly mektep» baǵdarlamasymen 12 bilim ordasy salynyp jatqanyn habarlaǵan bolatynbyz.