Atyraýda 109 call-ortalyǵy bir táýlikte 1500 qońyraý qabyldady

<p>Búginde Atyraý qalasyndaǵy call-ortalyq kúsheıtilgen rejımde qyzmet etýde, dep habarlaıdy <a href="https://www.inform.kz/ru/Kazinform." target="_blank" rel="noopener">Kazinform</a> Óńirlik kommýnıkatsııalar qyzmetine silteme jasap.</p>

«109 Biryńǵaı baılanys ortalyǵynyń basshysy Aqmaral Batyrhanovanyń málimetinshe, ondaǵy aýysymdaǵy operatorlar sany 5-ten 12-ge deıin kóbeıtilip otyr. Munda qyzmetkerler tórt aýysymda jumys isteıdi.

- Jalpy bizge kommýnaldyq baǵytynda qońyraýlar kelip jatady. Al sońǵy ýaqytta ótinimderdiń basym kópshiligi aýa-raıynyń qolaısyzdyǵyna qaraı, jaryqtyń apattyq jaǵdaıda óshýi, aýmaqtardaǵy jaýyn sýyn tazalaýmen baılanysty bolyp otyr. Barlyq qabyldanǵan ótinimder oryndalý úshin jaýapty mekemelerge der kezinde jetkizilýde,- dedi A.Batyrhanova.

Aıta keteıik, 109 call-ortalyǵy 2020 jyldan bastap qyzmet etýde. Mundaǵy 30 qyzmetker aýysymmen jumys isteıdi. Táýligine orta eseppen 450-500 qońyraý túsedi.

Eske salsaq, «109 Biryńǵaı baılanys ortalyǵy óńirdegi barlyq kommýnaldyq kásiporyndardyń call-ortalyqtaryn biriktire otyryp, aýmaq turǵyndarymen baılanys jasaýdyń biryńǵaı núktesi.

Ortalyqtyń negizgi artyqshylyǵy - turǵyndar úshin táýlik boıynsha qoljetimdi, tegin baılanys arnasy bolýmen qatar, kommýnaldyq jáne ákimdiktiń barlyq qurylymdyq bólimderine qatysty máselelerdi qashyqtyqtan sheshý.