Atyraýda 100 mln teńgeniń qurylǵysymen 2 jasar balanyń jelkesindegi isikke ota jasaldy
Jańa qurylǵynyń quny — 100 mln teńge.
Oblystyq densaýlyq saqtaý basqarmasynyń basshysy Qaısar Abdalıevtyń aıtýynsha, zamanaýı qurylǵy «Qazaqstan halqyna» qorynyń demeýshiligimen alynǵan.
«Atyraý oblystyq balalar aýrýhanasynyń neırohırýrgııa bólimshesi jańa medıtsınalyq quraldarmen tolyqty. Atap aıtsaq, otaǵa arnalǵan ústel, neıronavıgatsııa qurylǵysy men neıromonıtor barlyq ota kezinde qoldanylatyn qosalqy bólshekterimen alyndy», — deıdi Qaısar Abdalıev.
Oblystyq balalar aýrýhanasy dırektorynyń emdeý isi jónindegi orynbasary Erbol Esbolaevtyń pikirinshe, atalǵan qurylǵylardyń, onyń ishinde ota ústeliniń mańyzy zor.
«Endi bas súıekte, mı men julynda týabitti nemese keıin paıda bolatyn isik, ózge de jaraqattardy tolyq emdeýge múmkindik ashylyp otyr. Neıromonıtordyń ota kezinde belgili bir patologııanyń ený jolyn dál tabýǵa septigi mol. Muny mıdaǵy patologııalardy tez anyqtaýǵa múmkindik beretin ınnovatsııalyq qurylǵy dep aıtýǵa bolady», — dep túsindirdi Erbol Esbolaev.
Aýrýhana dárigerleri jańa qurylǵymen ret eki jasar balanyń jelke tusyndaǵy isikti alyp tastaý úshin ota jasady.
Eske sala ketelik, budan buryn reseılik hırýrg atyraýlyq naýqas balalarǵa bes kúrdeli ota jasaǵanyn habarlaǵan edik.
Joldasbek Shópeǵul