Atyraýda 10 aılyq sábıdiń ólimine baılanysty qyzmettik tekserý júrgiziledi

<p>ATYRAÝ. KAZINFORM &ndash; Atyraý qalasyndaǵy №2 oblystyq aýrýhanada 10 aılyq sábı shetinegen edi. Osyǵan baılanysty qyzmettik tekserý júrgizetin arnaıy komıssııa quryldy.&nbsp;</p>

Atyraý oblystyq densaýlyq saqtaý basqarmasy baspasóz qyzmetiniń málimetinshe, sábıdiń shetineý deregine qatysty tekserý júrgizý kózdelip otyr. 

– Densaýlyq saqtaý basqarmasynda sábı ólimine qatysty qyzmettik tekserý júrgizý úshin arnaıy komıssııa quryldy. Qyzmettik tekserýdiń qorytyndysymen tıisti sheshim qabyldanady, - dep málim etti basqarmanyń baspasóz qyzmetinen. 

Eske sala ketelik, buǵan deıin Atyraý aýrýhanasynda 10 aılyq sábı kóz jumǵanyn habarlaǵan bolatynbyz. 

Naýqas 6 jeltoqsanda saǵat 14:51-de atalǵan aýrýhananyń qabyldaý bólimine túsken. Kezekshi dáriger aýrýhanaǵa jatyp emdeldi usynǵanymen, anasy qolhat jazyp, bas tartqan. 

Sábı sol kúni keshki saǵat 18:10-da aýrýhanaǵa aýyr jaǵdaıda qaıta jetkizilgen. Onyń júrek soǵysy birneshe ret toqtap, soǵan baılanysty reanımatsııalyq sharalar júrgizilgen. Alaıda 10 aılyq bala 7 jeltoqsan kúni, saǵat 00:20-da kóz jumǵan.