Atyraýda 1 mln teńgeden astam aıyppulyn tólemegen taǵy bir júrgizýshi ustaldy
Oblystyq polıtsııa departamentiniń baspasóz qyzmetinen málim etkendeı, jyl basynan beri aıyppulyn tólemeı júrgen 1 186 júrgizýshi anyqtalǵan.
«Atyraý qalasynyń aýmaǵynda «Qorǵaý» apparattyq-baǵdarlamalyq keshen kómegimen shet memleketterge tirkelgen kólik quraldarynyń ákimshilik quqyq buzýshylyǵy tirkeledi. Eger júrgizýshiniń tıisti mindetti saqtandyrý polısi bolmasa, «Anyqtalmaǵan sanatynda» engiziledi. Jyl basynan beri aıyppulyn tólemegen júrgizýshilerdiń 1 186 kóligi arnaıy aıyp turaǵyna qoıyldy. Onyń ishinde Reseı Federatsııasyna tirkelgen Largus avtokóligi bar. Bul kóliktiń júrgizýshisiniń 396 myń teńge kólemindegi 15 aıyppuly bolǵan. Al, Toyota Alphard kóliginiń júrgizýshisi 224 myń teńgeniń 12 aıyppulyn tólemeı júrgeni anyqtaldy», - dep habarlady departamenttiń baspasóz qyzmeti.
Al, búgin, 10 qarashada saǵat 12:55 shamasynda Jedel basqarý ortalyǵynyń beınebaqylaý qyzmetkerleri Interceptor izdeý júıesi arqyly markasy Toyota avtokóligin anyqtaǵan. Patrýldik polıtsııa qyzymetkerleri avtokólikti toqtatyp, júrgizýshiniń 1 mln 59 myń 825 teńgege jetken 40 aıyppuly baryn anyqtady. Rýlde 40 jastaǵy júrgizýshi bolǵan. Onyń avtokóligi arnaıy aıyp turaǵyna qoıyldy.
Eske sala ketelik, budan buryn Atyraýda 1,1 mln teńgeden astam aıyppulyn tólemegen júrgizýshi ustalǵanyn jazǵan edik.