Atyraý volonterleri 15,5 mln teńgeniń maqsatsyz jumsalýyna jol bermedi

<p>Atyraý oblysynda &laquo;Sybaılas jemqorlyqqa qarsy volonterlik&raquo; jobasyna qatysýǵa 65 erikti tirkelgen. Volonterler bıýdjettiń 15,5 teńgesin maqsatsyz jumsaý deregin anyqtap otyr, dep habarlaıdy <a href="Kazinform." target="_blank" rel="noopener">Kazinform.</a></p>

Sybaılas jemqorlyqqa qarsy is-qımyl agenttigi Atyraý oblystyq departamentiniń basshysy Erulan Serikqalıev «Sybaılas jemqorlyqqa qarsy volonterlik» jobasy júzege asyrylyp jatyr.

«Jobaǵa belsendi azamattar, qoǵamdyq birlestikter, jeke jáne kvazımemlekettik sektor sýbektileri men basqa da uıymdar qatysty. Bul joba oń nátıjesin kórsetti. Oǵan 1 881 erikti, onyń ishinde Atyraý oblysynan 65 erikti tirkeldi. Volonter memlekettik satyp alý portalyndaǵy konkýrstarǵa monıtorıng júrgizip, shamamen 8 mln teńgeniń únemdelýine yqpal etti. Máselen, Atyraý oblysyndaǵy Maqat aýdanynyń eriktileri bir kóshetti 15 myń teńgege satyp alý deregin zerdeledi. Volonterlerdiń qyraǵylyǵynyń nátıjesinde baǵany 1,5 mln teńgege kóterý deregi anyqtaldy. Al, Atyraý qalasynda «100 aýlany abattandyrý» jobasy sheńberinde 14 mln teńgege jýyq bıýdjet qarajysynyń tıimsiz jumsalýyna jol bermedi. Bul joba jalǵasyn tabady», - dedi Erulan Serikqalıev.

Eske sala ketelik, buǵan deıin Atyraýda óner mektebi 650 myńnyń fortepıanosyn 1,5 mln teńgeden almaq bolǵanyn jazǵan edik. 

«Mahambet aýdandyq bilim bólimine qarasty Z.Eşanova atyndaǵy balalar óner mektebi fortepıanonyń bir danasyn 1 mln 510 myń 400 teńgeden satyp alýdy josparlaǵan. Osylaısha 10 mýzykalyq aspap úshin jalpy somasy 15 mln 104 myń teńge qarastyrylǵan», - dep málim etken edi departamenttiń baspasóz qyzmeti.