ASTANA. KAZINFORM — Qazaqstandyq tennısshi Sandýǵash Kenjebaeva juptyq synda Sharm-el-Sheıh (Mysyr) ITF W15 týrnıriniń fınalyna shyqty.Qazaqstandyq tennısshi nıderlandylyq Djoı de Zeýmen birge jarys barysynda úsh kezdesýin sátti ótkizdi.
Sandýǵash Kenjebaeva – Djoı de Zeý jartylaı fınalda jarystyń 1-raketkalary, nıderlandylyqtar Lýs Ebelın Konın – Sara van Emstiń mysyn basty.
Qazaqstandyq-nıderlandylyq jup birinshi partııada 3:6 esebimen ese jibergenimen, ekinshi sette qarymta qaıyrdy – 6:4. Sosyn sýper taı-breıkte jeńisti julyp aldy – 10:5.
Sandýǵash Kenjebaeva – Djoı de Zeý fınalda reseılikter Aglaıa Fedorova – Alısa Kıýmmelmen bas júldeni sarapqa salady.
Eske sala keteıik, budan buryn Jibek Qulambaevanyń Portýgalııadaǵy týrnırdiń fınalyna shyqqanyn jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).