«Atyraý» voleıbol klýby ekinshi týrdy jeńispen aıaqtady

<p>PAVLODAR. KAZINFORM&nbsp; - Pavlodar qalasynda voleıboldan erlerdiń ulttyq lıga komandalary arasynda Qazaqstan chempıonaty ekinshi týrynyń sońǵy oıyndary ótip jatyr.</p>

Búgin alańǵa alǵashqy bolyp «Atyraý» men «Esil» (SQO) komandalary shyqty.

Osyǵan deıin serbııalyq Deıan Výlıchevıch jattyqtyratyn atyraýlyqtar qatarynan eki matchta jeńiske jetse, Alekseı Terenınniń shákirtterine de upaı aýadaı qajet edi.

Bul oıynda da «Atyraý» qarqynyn báseńdetken joq – 3:0 (25:22, 25:17, 25:22).

Osylaısha, 13 upaı jınaǵan atyraýlyqtar týrnır kestesinde 7-orynǵa kóterilip, «Esil» (11 upaı) 8-satyǵa túsip qaldy.

«Atyraýdan» Tólebı Álimbek, «Esilden» búgingi básekege qatyspaǵan komanda kapıtany Aleksandr Sýleımanov ekinshi týrdyń úzdik oıynshysy atandy.

Eske sala keteıik, budan buryn voleıboldan el chempıonatynda «Aqtóbeniń» vıtse-chempıondy tize búktirgenin jazǵan bolatynbyz.