Atyraý turǵyny tıym salynǵan 282,5 keli bekireni zańsyz satpaq bolǵan

<p>Atyraý turǵyny tıym salynǵan 282,5 keli bekiremen ustaldy. Kúdikti zańsyz aýlanǵan baǵaly balyqty satpaq bolǵan, dep habarlaıdy <a href="Kazinform" target="_blank" rel="noopener">Kazinform</a>.</p>

Oblystyq polıtsııa departamenti baspasóz qyzmetiniń aqparatyna súıensek, kúdikti 8 qarashada ustalǵan.

«Deparmenttiń balyq qoryna qylmystyq qol suǵýshylyqqa qarsy kúres bólimi men uıymdasqan qylmysqa qarsy kúres basqarmasynyń qyzmetkerleri «Brakoner» jedel-izdestirý is-sharasy kezinde 1997 jylǵy turǵyndy ustady. Kúdikti – Atyraý qalasynyń turǵyny. Ol aýlaýǵa tıym salynǵan bekire tuqymdas balyqty zańsyz tasymaldap, satpaq bolǵan. Onyń turǵylyqty meken-jaıyna tintý júrgizý kezinde jalpy salmaǵy 282,5 keli 76 bekire tuqymdas balyq tárkilendi, -dep habarlady departamentti ńbaspasóz qyzmeti.

Qazir atalǵan derek boıynsha QR Qylmystyq Kodeksiniń 339-babynyń 1-bóligimen sotqa deıingi tergep-tekserý bastaldy. Ózge aqparat QR Qylmystyq-protsestik kodeksiniń 201-babyna sáıkes jarııalaýǵa jatpaıdy.

«Qazaqstan Respýblıkasy Konstıtýtsııasynyń 77-baby 3-tarmaǵynyń 1-tarmaqshasy, Qylmystyq-protsestik kodeksiniń 19-babynyń 1-bóligine sáıkes adamnyń kináli ekendigi zańdy kúshine engen sot úkimimen tanylǵansha, ol jasalǵan qylmysqa kináli emes dep esepteledi», -dep málim etti departamenttiń baspasóz qyzmeti.

Eske sala ketelik, buǵan deıin Atyraý turǵyny 96 keli bekire balyǵymen ustalǵanyn habarlaǵan edik.

Sondaı-aq, eki turǵynnan zańsyz aýlanǵan bekire men ańshy qarýy tabylǵanyn jazǵan bolatynbyz.