Atyraý stýdentteri Konstıtýtsııany jatqa aıtýdan saıysqa tústi

<p>ATYRAÝ. KAZINFORM &ndash; Konstıtýtsııa kúni qarsańynda Atyraý stýdentteri arasynda &laquo;Men Konstıtýtsııany jatqa bilemin&raquo; konkýrsy ótti.&nbsp;</p>

Konkýrsty H.Dosmuhamedov atyndaǵy Atyraý ýnıversıteti uıymdastyrdy. Oǵan oqý ornynyń aqyly bóliminde oqıtyn 20-dan astam stýdent qatysty.

Foto: H.Dosmuhamedov atyndaǵy Atyraý ýnıversıteti

«Bul konkýrsty jyl saıyn ótkizip kelemiz. Maqsatymyz – jastardyń quqyqtyq saýatyn arttyryp, Konstıtýtsııany jatqa bilýine yqpal etý. Óıtkeni, ár adam óziniń konstıtýtsııalyq quqyǵyn bilýi tıis», - deıdi oblystyq ádilet departamentiniń mamany Aıgúl Ánjanova. 

Qatysýshylar alǵashqy kezeńde 25 suraqqa jaýap bergen. Budan soń stýdentterden Ata zańnyń baptaryn jatqa aıtty.

Foto: H.Dosmuhamedov atyndaǵy Atyraý ýnıversıteti

Komıssııa músheleri oqý aqysyna 30 paıyz jeńildik usynylǵan úshinshi oryndy quqyqtaný mamandyǵynyń stýdenti Nurseıit Sabyrǵalıǵa berýdi uıǵardy. Al, 50 paıyz jeńildigi bar ekinshi orynǵa qylmystyq-quqyqtyq pánder kafedrasynyń stýdenti Gúlnaz Erkinova ıe boldy. Ýnıversıtette tegin oqýǵa múmkindik beretin bas júldeni 4 kýrs stýdenti, bylttyrǵy konkýrstyń jeńimpazy Jáńgir Temirhanov jeńip aldy.

«Birinshi tekstileýde 19 ball jınadym. Ekinshi kezeńde bilimdi barynsha kórsetýge tyrystym. Qazylar alqasynyń sheshimimen ekinshi orynǵa ıe boldym. Oqý aqysyna 50 paıyz jeńildik alýǵa sertıfıkat berdi. Bul – men úshin úlken qoldaý, meniń otbasym úshin úlken qýanysh», - deıdi Gúlnaz Erkinova.

Eske sala ketelik, budan buryn atyraýlyq túlekterlerge oblys ákiminiń 148 bilim granty bólingenin habarlaǵan edik.