Atyraý iri sý tasqynyna daıyndalyp jatyr: Tótenshe jaǵdaı jarııalanady
«Búgin Jylyoı aýdany men Qulsary qalasynda boldym. Ondaǵy jaǵdaı kúrdeli, degenmen dúrbeleń men ýaıymǵa sebep joq. Óńirde sý tasqynymen kúresýge arnalǵan barlyq resýrs bar. Jaǵdaıdy turaqtandyrý úshin jergilikti atqarýshy organdarǵa orta eseppen 3-4 kún qajet. Іs- qımyldyń naqty josparyn jasaý, qajetti qarajat bólý, qajetti tehnıka men adamı resýrstardy tartý kerek», - dedi Qanat Bozymbaev Tótenshe jaǵdaılar jónindegi jedel shtabtyń otyrysynda.
Buǵan deıin Premer-Mınıstrdiń orynbasary Atyraý oblysynyń ákimimen birge Qulsary qalasynan Aqtóbe oblysynyń shekarasyna deıingi aýmaqty tikushaqpen aralady. Qanat Bozymbaev Jem ózeniniń jaı-kúıin baǵalady, sondaı-aq óńir basshylyǵyna sý tasqynyna qarsy kúres boıynsha birqatar naqty tapsyrma berdi.
«Men Qazaqstan temir joly AQ basshylyǵyn shaqyrdym, óıtkeni keıbir jerlerde aǵyn sýdy jiberý úshin temirjol ótkelderin bólshekteý qajet. Búgingi tańda Irıklınseı sý qoımasynan aǵyzý 2 500 m3/s quraıdy, alda ol 4-4, 5 myń m3/s deıin jetýi múmkin. Sondyqtan bizde sý tasqynyna daıyndalý úshin 20 kún bar. Tótenshe jaǵdaı rejımin halyqtyń dúrbeleńge salý úshin emes, sý tasqynyna qarsy kúres boıynsha naqty is-qımyl úshin jarııalaımyz», - deıdi Q.Bozymbaev.
Premer-Mınıstr orynbasarynyń aıtýynsha, óńirde sýdy Atyraýǵa jibermesten aǵyzyp, ony Kaspıı teńizine aparatyn ózender men kólderge jiberý úshin burý arnalaryn qazý qajet.
«Qazirgi basty mindet - Atyraý jaǵalaýyn barlyq jaǵynan nyǵaıtý», - dep tolyqtyrdy Úkimet basshysynyń orynbasary.
Eske sala keteıik, 4 sáýirde Jylyoı aýdanynda tótenshe jaǵdaı rejımi jarııalandy, saldarynan 2 500 úı sý astynda qaldy, eldi mekenderden 15 000 adam qaýipsiz oryndarǵa kóshirildi.