Atyraý polıtseıleri Qaraǵaı aýylyndaǵy úılerdi táýlik boıy baqylaıdy

<p>ATYRAÝ. KAZINFORM &ndash; Atyraý oblysynyń polıtseıleri turǵyndary evakýatsııalanǵan Qaraǵaı aýylyndaǵy úılerdi táýlik boıy baqylaýǵa aldy. &nbsp;</p>

Qaraǵaı – Jylyoı aýdanyndaǵy Qosshaǵyl aýyldyq okrýgine qaraıtyn eldi meken. Shaǵyn aýyl aýdan ortalyǵy – Qulsary qalasynan 16 shaqyrymda ornalasqan.

Atyraý oblystyq polıtsııa departamentiniń baspasóz qyzmetinen málimet etkendeı, Qaraǵaı aýylynan 156 turǵyn evakýatsııalanǵan.

«Jylyoı aýdanynda tótenshe jaǵdaı jarııalanýyna baılanysty Qaraǵaı eldi mekeniniń 156 turǵynyn evakýatsııalaýǵa 4 avtobýs, 26 polıtseı, aýdandyq tótenshe jaǵdaılar bóliminiń 17 qyzmetkeri jumyldyryldy. Qazir Qaraǵaı aýylynda qaraýsyz qaldy. Sol sebepten, polıtsııa qyzmetkerleri turǵyn úılerdi táýlik boıy baqylaýǵa aldy. Maqsat – qaraýsyz qalǵan úılerge qatysty quqyq buzýshylyqtarǵa jol bermeý», - dep habarlady departamenttiń baspasóz qyzmeti.

Eske sala ketelik, budan buryn Jylyoı aýdanynda Jem ózeniniń sýy 2 metr 53 sm-ge kóterilgenin jazǵan edik. 

Qulsary qalasyndaǵy kópir ýaqytsha jabyldy. Sondaı-aq Atyraý oblysynyń taǵy bir aýdanynda tótenshe jaǵdaı jarııalanǵan edi. 

Búgin Qulsarydan Dossorǵa deıingi joldyń bir bóligin sý basty.