Atyraý polıtseıleri 2 jasar sábıdi qutqarý úshin lıftiniń esigin kúshpen ashty

<p>ATYRAÝ. KAZINFORM &ndash; Atyraýda 2 jasar sábıdi lıftide qalyp qoıǵan. Anasynyń shaqyrtýymen kelgen polıtseıler lıftiniń esigin kúshpen ashyp, balaqaıdy alyp shyqty.</p>

Atyraý oblystyq polıtsııa departamenti baspasóz qyzmetiniń aqparatyna qaraǵanda, bul týraly búgin 102 operatoryna habar túsken. 

Foto: polisia.kz

«Jedel basqarý ortalyǵynyń qyzmetkerleri oqıǵa ornyna patrýldik ekıpajdy jedel baǵyttady. Oqıǵa ornyna jetken patrýldik polıtsııa qyzmetkerleri Aqjol Qıbatollaev pen Jantóre Álipkalıev 2 jasar sábı jalǵyz qalyp qoıǵan lıftiniń 8-qabatta turǵanyn anyqtady. Polıtseılerge balaqaıdy qutqarý úshin lıftiniń esigin kúshpen ashýǵa týra keldi. Qutqarylǵan balaqaı anasyna tabystaldy», -dep habarlady departamenttiń baspasóz qyzmeti. 

Eske sala ketelik, budan buryn Atyraýda sýburqaqqa qulaǵan 3 jasar bala kóz jumǵanyn jazǵan edik. 

Sondaı-aq, turǵyn úıdiń 3-qabatynan qulaǵan 6 jasar bala aýrýhanaǵa tústi. 

Keıin 3-qabattan qulaǵan 6 jasar balanyń aıaǵyna ota jasaldy.