Atyraý-Oral trassasynan Taldykól aýylyna baratyn joldy tasqyn sý basty

<p>ATYRAÝ. KAZINFORM &mdash; Atyraý-Oral trassasynan Mahambet aýdanyndaǵy Taldykól aýylyna baratyn joldy tasqyn sý basty. Sol sebepten aýylda qalǵan turǵyndar qaıyqpen qatynaıdy.</p>

Atyraý oblysynyń jedel shtabynan málim etkendeı, búgin Taldykól aýylyna baratyn joldy tasqyn sý basyp ketken. 

«Joldy sý basýyna baılanysty aýyl turǵyndarynyń Atyraý qalasymen qatynasyn úzbeý úshin tótenshe jaǵdaılar departamentiniń mamandary qaıyqpen tasymaldaý qyzmetin uıymdastyryp otyr. Taldykól aýylyna sý basý qaýpi tónip turǵan joq. Aýyldaǵy bógetti qosymsha bekitý jumysy úzilissiz júrgizilip jatyr. Qazir bul aýylynda qaýipsizdikti qamtamasyz etýge Qorǵanys mınıstrliginiń áskerı bóliminen 59 sarbaz, Tótenshe jaǵdaılar mınıstrliginiń qurylymynan 17 qyzmetker men arnaıy tehnıka tartyldy»,-dep habarlady oblystyq jedel shtab. 

Taldykól aýylynan 207 turǵyn Atyraý qalasyndaǵy evakýatsııa pýnktine kóshirilgen.

Al, 422 adam óz qalaýymen týystarynyń úıine ornalasqan. 

Eske sala ketelik, Atyraýǵa kóshirilgen Taldykól turǵyndary aýylymyzdy tasqyn sý baspasa eken dep tilep otyr.